Randhart Rakkertjies is ’n Afrikaanse pre-primêre skool wat deel vorm van Laerskool Randhart en word ook op Laerskool Randhart se terrein gehuisves. Kwartale en vakansies is in ooreenstemming met die laerskool. Gekwalifiseerde personeel onderneem en streef daarna om net die beste onderrig vir die kleuter te bied. Die KABV-kurrikulum (soos voorgeskryf deur die Departement van Onderwys) word vir Graad R gevolg.

MISSIE

• Kleuters te ontvang en te onderrig in ’n genotvolle, veilige en vriendelike omgewing.
• Kleuters in totaliteit te ontwikkel op alle terreine.
• Kleuters met sterk morele waardes wat karakter bou te bemagtig.
• Maklike oorskakeling na graad 1 te verseker weens die noue samewerking met Laerskool Randhart.

TOELATINGSBELEID

1. Kleuters vanaf 4 tot 6 jaar word toegelaat. Geen boeties, sussies of maats kan kom kuier nie.
2. Kleuters se immunisering moet op datum wees.
3. Kleuters moet Afrikaans kan praat en verstaan.
4. Kleuters wat graad R herhaal, moet die nodige verslae saam met die inskrywingsvorm inhandig, nl.
• ’n Skoolgereedheidstoets deur ’n opvoedkundige sielkundige is ’n vereiste.
• Terapeut se verslag wat terapie staaf as deel van graad R-herhaling.
• Afskrif van die brief gerig aan die Departement van Onderwys wat staaf dat die kleuter graad R moet herhaal.